MAR, RÍO E MONTAÑA.

Nos seus 110 quilómetros cadrados, Vigo ofrece os amantes da natureza paisaxes do máis diverso: montañas e parques forestais, ríos e embalses, o mar da ría, illas e decenas de praias e calas. Parques forestais como os de: Coruxo, Beade, San Andrés de Comesaña, Zamáns, Bembrive, Bandeira, Saiáns, Alba-Cepudo, Madroa, dos Pozos, Vixiador,... permiten fuxir do rebumbio da cidade e gozar da natureza a escasos minutos do centro da metrópole.

Paseo fluvial do Lagares

Se non queres saír da cidade podes recorrer o paseo fluvial do río Lagares. Seguíndoo poderás atopar dúas pontes medievais, e poderás ver multitude de aves acuáticas que utilizan o río para aniñar, así como gran variedade de vexetación autóctona. O río pasa polo parque de Castrelos e baixo as inmediacións do estadio de Balaídos, prolongándose despois para desembocar xunto á praia de Samil.

Parque Zoolóxico de Galicia

Situado no Monte da Madroa. En Vigozoo podemos atopar animais como: leóns, tigres, linces, osos, cebras, monos, zorros, xabarís, bisontes, aguias, voitres, mouchos, cotorras, serpes de cascabel, cobras, iguanas, lagartos, pitóns, tartarugas, víboras, escorpións…